ການລາດຕະເວນຮ່ວມຕາມລຳແມ່ນ້ຳຂອງ ໂດຍຊຸດປະສານງານປະຈຳພື້ນທີ່ຊາຍແດນໄທ - ລາວ (ຈັງຫວັດມຸກດາຫານ - ແຂວງສະຫວັນນະເຂດ)

ເມື່ອວັນທີ 28 ເມສາ 2023 ທ່ານ ອະທິປັດ ໂຣດຈະນະໄພບູນ ກົງສຸນໃຫຍ່ແຫ່ງຣາຊະອານາຈັກໄທປະຈໍາແຂວງສະຫວັນນະເຂດ ແລະ ທ່ານ ບັນຫານ ຈີຣະແພດ ກົງສຸນ ເຂົ້າຮ່ວມຊົມພິທີລາດຕະເວນຮ່ວມຕາມລຳແມ່ນ້ຳຂອງ ຂອງຝ່າຍລາວ ໂດຍຊຸດປະສານງານປະຈຳພື້ນທີ່ຊາຍແດນໄທ - ລາວ (ຈັງຫວັດມຸກດາຫານ - ແຂວງສະຫວັນນະເຂດ) ຕາມຄຳເຊີນຂອງແຂວງສະຫວັນນະເຂດ ໂດຍມີທ່ານ ບຸນໂຈມ ອຸບົນປະເສີດ ເຈົ້າແຂວງ ແລະ ຜູ້ບໍລິຫານລະດັບສູງຂອງແຂວງເຂົ້າຮ່ວມທີ່ຫ້ອງການບ້ານນາແກ ນະຄອນໄກສອນພົມວິຫານ ໂດຍເຈົ້າໜ້າທີ່ຊຸດປະສານງານທັງສອງຝ່າຍຮ່ວມລາດຕະເວນໃນເສັ້ນທາງຫົວດອນສະຫວັນ - ຂົວມິດຕະພາບ 2 - ສະຖານີໄຟຟ້າປາກບໍ ໄລຍະທາງໄປ - ກັບ ລວມ 16 ກິໂລແມັດ ໂດຍພິທີລາດຕະເວນດັ່ງກ່າວ ມີວັດຖຸປະສົງເພື່ອສົ່ງເສີມຄວາມຮ່ວມມືລະຫວ່າງທັງສອງຝ່າຍໃນການດຳເນີນການ ແລະ ແລກປ່ຽນຂໍ້ມູນຂ່າວສານເພື່ອການປ້ອງກັນ ແລະ ປາບປາມການລັກລອບຂົນຢາເສບຕິດ ແລະ ສິ່ງຂອງຜິດກົດໝາຍ