ບໍລິສັດເອກກະຊົນໄທຜູ້ຜະລິດປູນຂາວຄຸນະພາບດີໃນແຂວງຄຳມ່ວນຖືສ່ວນແບ່ງການຕະຫຼາດໃນ ສປປ. ລາວ 80%

 

          ເມື່ອວັນທີ 12 ພຶດສະພາ 2023 ທ່ານ ອະທິປັດ ໂຣດຈະນະໄພບູນ ກົງສຸນໃຫຍ່ແຫ່ງຣາຊະອານາຈັກໄທປະຈໍາແຂວງສະຫວັນນະເຂດ ພ້ອມດ້ວຍ ທ່ານນາງ ເກັດດາວ ສິນຈະເລີນກຸນ ກົງສຸນ ທ່ານນາງ ພອນທິບ ຈັນສີນາ ແລະ ທ່ານ ສິງຫະຣັກ ຊ່ວຍຫານ ເຈົ້າໜ້າທີ່ສູນຂໍ້ມູນທຸລະກິດພົບຫາລືກັບທ່ານ ອະພິວັດ ກຸນຕັງວັດທະນາ ກຳມະການຜູ້ຈັດການ ແລະ ທ່ານ ນົບພະຣຸດ ບຸນຍະລັກ ຜູ້ຈັດການຝ່າຍພັດທະນາທຸລະກິດ ບໍລິສັດ MCS Mining Industry Lao ຈໍາກັດ ເພື່ອສົ່ງເສີມຄວາມຮ່ວມມືລະຫວ່າງສະຖານກົງສຸນໃຫຍ່ແຫ່ງຣາຊະອານາຈັກໄທກັບບໍລິສັດ ເຊິ່ງເປັນທຸລະກິດຂອງພາກເອກກະຊົນໄທ ທີ່ດຳເນີນກິດຈະການໃນແຂວງຄໍາມ່ວນຕັ້ງແຕ່ປີ 2013 ປະກອບດ້ວຍ ໂຮງງານຜະລິດແຄວຊ້ຽມຄາບໍເນດ ໂຮງງານປູນຂາວ ແລະ ໂຮງໂມ້ຫີນກໍ່ສ້າງ ທັງນີ້ ກົງສຸນໃຫຍ່ຍິນດີທີ່ຮູ້ວ່າບໍລິສັດມີຜົນປະກອບການທີ່ດີ ໂດຍຖືສ່ວນແບ່ງຕະຫຼາດໃນ ສປປ. ລາວ 80% ແລະ ມີແຜນເພີ່ມຍອດຈຳໜ່າຍສິນຄ້າ ແລະ ຂະຫຍາຍຕະຫຼາດຜູ້ຮັບຜູ້ຊື້ປູນຂາວໃນ ສປປ. ລາວ ປະຈຸບັນບໍລິສັດມີພະນັກງານຄົນໄທ 30 ຄົນ ແລະ ພະນັກງານທ້ອງຖິ່ນ 245 ຄົນ ນອກຈາກນີ້ບໍລິສັດຍັງມີສ່ວນສຳຄັນໃນການພັດທະນາຊັບພະຍາກອນມະນຸດ ແລະ ສະໜັບສະໜູນການພັດທະນາໂຄງສ້າງພື້ນຖານໃຫ້ແກ່ຊຸມຊົນໃກ້ຄຽງອີກດ້ວຍ